ABŞ Prezidenti Donald Trump, TikTok-un ABŞ-də fəaliyyətini davam etdirməsi üçün yerli investorların nəzarətində olmasını tələb edən fərmanı imzalayıb.
Manset.az xarici mediaya istinadən xəbər verir ki, Oracle və digər ABŞ-yönümlü sərmayədarlar bu prosesə qoşulub. TikTok-un ABŞ-dəki əməliyyatları yeni yaradılacaq şirkət tərəfindən idarə olunacaq, ByteDance-in payı 20%-dən az olacaq.
İstifadəçi məlumatları ABŞ-də saxlanılacaq və təhlükəsizlik baxımından tam nəzarətdə olacaq. Əgər ByteDance 2025-ci ilin yanvarına qədər şirkətin əsas hissəsini satmasa, TikTok ölkədə qadağan olunacaq. Trump bu müddəti bir neçə dəfə uzadıb və Çin Prezidenti Si ilə razılıq əldə edib.
