Konqo Demokratik Respublikasında (KDR) təxminən 9 500 təsdiqlənmiş yoluxma və 4 600-dən çox ölümə səbəb olan Ebola epidemiyası Nigeriyaya da yayılıb.
Manset.az xarici mediaya istinadən xəbər verir ki, Uqandadan Abucaya qayıdan bir qadında Bundibuqyo virusu təsdiqlənib, onunla təmasda olan 44 nəfər tibbi nəzarətə götürülüb.
Bu virus növünə qarşı təsdiqlənmiş peyvənd və ya xüsusi müalicə üsulu mövcud deyil. Afrika Xəstəliklərə Nəzarət və Qarşısının Alınması Mərkəzləri (Africa CDC) səhiyyə nazirlərini oktyabrın 28-də fövqəladə iclasa çağırıb.
Konqo Demokratik Respublikasında başlayan və qonşu ölkələrə yayılan Ebola epidemiyasının Nigeriyada da qeydə alınması virusun Afrikanın daha geniş ərazilərinə yayılması ilə bağlı narahatlığı artırıb.
Konqo Demokratik Respublikasında çoxsaylı insanın ölümünə səbəb olan epidemiyanın Afrikanın üç bölgəsinə yayılması xəstəliyin erkən aşkarlanmasındakı və ölkələrarası səhiyyə koordinasiyasındakı çatışmazlıqların digər ölkələrdə də epidemiya riskini artıra biləcəyini göstərir.
