Biləcikin Söğüt rayonunda 33 yaşlı həyat yoldaşını tapança ilə öldürən 43 yaşlı kişi eyni silahla intihar edib.
Manset.az Türkiyə mediasına istinadən xəbər verir ki, 3 uşaqları olan və boşanma prosesində olduğu iddia edilən cütlük 43 yaşlı Halil İbrahim Karlıdağ və 33 yaşlı Büşra Karlıdağ naməlum səbəbdən evlərində mübahisə etməyə başlayıblar.
Mübahisə böyüyərkən Halil İbrahim Karlıdağ yanında olan silahla həyat yoldaşı Büşra Karlıdağa atəş açıb. O daha sonra eyni silahla özünü vurub.
Silah səslərini eşidəndən sonra hadisə yerinə polis və tibb işçiləri göndərilib. Onlar cütlüyün öldüyünü müəyyən ediblər.
