Şilinin turistlər üçün məşhur Patagonya bölgəsində təbiət gəzintisi edən 5 turist güclü fırtına səbəbindən həyatını itirib, 7 nəfər isə itkin düşüb.
Manset.az xarici mediaya istinadən xəbər verir ki, Patagonya bölgəsindəki Torres del Paine Milli Parkında yürüyüş edən turistlər qəflətən güclü fırtınaya tuş gəlib.
İlk məlumata görə, 2 Meksikalı, 2 Alman və 1 İngilis turistin həyatını itirdiyi, 7 nəfərin isə itkin düşdüyü bildirilib.
Fırtına zamanı küləyin sürətinin saatda 189 kilometri keçdiyi, bölgədə qarla qarışıq yağışın müşahidə edildiyi qeyd olunub.
Şili Meşəçilik Təşkilatının (CONAF) açıqlamasına görə, 24 nəfərlik axtarış-xilasetmə qrupu əraziyə göndərilib və itkin düşənlərin tapılması üçün işlərin yüksək diqqətlə davam etdirildiyi bildirilib.
Çətin relyef və əlverişsiz hava şəraiti səbəbindən itkin şəxslərin sağlamlıq vəziyyətindən narahatlıq duyulub.
