Honq Konq ərazisindəki yaşayış kompleksində baş verən yanğında 44 nəfər həlak olub, 279 nəfərdən isə hələ də xəbər yoxdur. Yaralılardan 45-nin vəziyyəti ağırdır.
Manset.az xəbər verir ki, 1900-dən çox mənzilin olduğu kompleksdə yanğın binaların təmirinə görə qurulan bambuk dayaq konstruksiyaları və pəncərələrin üzərindəki plastik köpük materialı səbəbindən sürətlə yayılıb. Təxminən 4 min nəfərin yaşadığı ərazidə alova bürünən 7 binadan 3-ü nəzarətə alınıb, digər 4 binada yanğın davam edir.
Hadisə ilə bağlı təmir işlərinə cavabdeh tikinti şirkətinin iki müdiri və məsləhətçi mühəndis “ehtiyatsızlıqdan adam öldürmə” şübhəsi ilə saxlanılıb.
