Trabzonun Sürmene rayonunda çəkilən “Taşacak Bu Deniz” serialının yayımlanmasından sonra bölgədə turist axını müşahidə olunur.
Manset.az xəbər verir ki, əbii gözəllikləri və tarixi memarlığı ilə tanınan Sürmene son illərdə bir çox film və serialın çəkiliş məkanı olaraq açıq hava pavilyonuna çevrilib.
Hazırda TRT-nin sevilən serialı “Taşacak Bu Deniz”, baş rollarda Ulaş Tuna Astepe və Deniz Baysal ilə tamaşaçıların diqqətini çəkir. Serialı izləyənlər çəkiliş yerlərini görmək üçün Türkiyənin müxtəlif bölgələrindən Sürmenəyə gəlirlər.
Bu maraq həm turistlərin rayonun tarixi və mədəni dəyərlərini kəşf etməsinə şərait yaradır, həm də yerli esnaf üçün canlanma gətirir.
