“Game of Thrones” serialindəki rolu ilə tanınan aktyor Michael Patrick 35 yaşında dünyasını dəyişib.
Manset.az xarici mediaya istinadən xəbər verir ki, Patrick Şimali İrlandiyada yerləşən bir baxım evində vəfat edib. O, 2023-cü ildə Motor Neyron Xəstəliyi diaqnozu almış və uzun müddət bu xəstəliklə mübarizə aparmışdı.
Patrickin həyat yoldaşı Naomi Sheehan sosial mediada paylaşım edərək, aktyorun ailəsi və yaxın dostlarının yanında, sakit və dinc şəkildə vəfat etdiyini bildirib. Sheehan qeyd edib ki, Patrick həyatı dolu, enerjili və ətrafına ilham verən bir insan idi və hər zaman belə xatırlanacaq. O, həmçinin xəstəlik dövründə onlara dəstək olan hər kəsə təşəkkürünü bildirib.
Michael Patrick “Game of Thrones”un 6-cı sezon, 7-ci bölümü olan “The Broken Man”da isimsiz “Vəhşi üsyançı” rolunu canlandırmışdı.
