Yaponiya sonsuz enerji istehsal etmək məqsədilə Ayın ətrafında günəş halqası inşa etmək istəyir.
Manset.az xarici mediaya istinadən xəbər verir ki, bir yapon şirkəti kəsintisiz enerji toplamaq üçün Ayı əhatə edəcək bir enerji istehsal sistemi təklif edir.
"Luna Ring" adlanan bu layihə 6.800 mil boyunca uzanacaq və hava şəraitinə və ya gecə-gündüz dövrünə bağlı olmadan kəsintisiz günəş enerjisi istehsal etməyə imkan verəcəkdi.
İlk təqdim edildikdə layihə çox maraq görünmədi, amma 2011-ci ilin mart ayında "Fukushima Daiichi" nüvə fəlakətindən sonra Yaponiya alternativ enerji mənbələrinə daha çox yönəlməyə başladı.
Layihə ilə əlaqədar məsuliyyət daşıyan şirkət "Shimizu Corporation"dur. Şirkət dünyadakı günəş panellərinin kosmosdakı eyni tip sistemə nisbətən yalnız 20-də bir qədər enerji istehsal etdiyini iddia edir. Ayın ekvatorunda atmosfer, buludlar və gecə olmadığı üçün günəş işığından davamlı şəkildə faydalanmaq mümkündür.
