Belçika həbsxanalarında narkotiklərə qarşı yeni bir yanaşma tətbiq ediləcək. Həbsxanalarda saxlanılan və ya şərti azadlıqda olan məhbuslar üçün məcburi narkotik testi tətbiqi başlayacaq.
Manset.az xarici mediaya istinadən xəbər verir ki, məcburi narkotik testi tətbiqi 1 mayda qüvvəyə minəcək. Təşkil edilən bu tənzimləmə, həbsxanalarda narkotik istifadəsi və ticarəti ilə mübarizəni daha sərt və sistemli şəkildə aparmağı hədəfləyir.
Ədalət naziri Annelies Verlinden narkotik istifadəsinin müəssisə daxilindəki nizamı pozduğunu, işçilərin təhlükəsizliyini təhdid etdiyini və aqressivlik halları yaratdığını bildirərək bu tətbiqin məcburi olduğunu vurğulayıb.
