Meteoroloq mütəxəssisləri 2026-cı ilin sonlarına doğru son on ilin ən güclü "El Nino" hadisəsinin baş verəcəyini proqnozlaşdırıblar.
Manset.az xarici mediaya istinadən xəbər verir ki, may ayından etibarən təsirini göstərməsi gözlənilən bu təbii hadisə Asiya üzrə isti və quraq dövrü başlatmaqla yanaşı Amerika və Avropanın bəzi bölgələrində isə çoxlu yağışlara səbəb olacaq.
Dünya Meteorologiya Təşkilatı (WMO) Sakit okeanının orta və şərq hissələrində dəniz səthinin temperaturunun sürətlə artdığını qeyd edərək may və iyul ayları arasında "El Nino" şəraitinin yaranma ehtimalının olduqca yüksək olduğunu bildirib.
"El Nino"nun qlobal miqyasda temperatur və yağıntı rejimini dəyişdirməsi gözlənilərkən fərqli coğrafiyalarda bəzi təsirlərin baş verməsi proqnozlaşdırılır.
Hindistan və Avstraliyanın bəzi bölgələrində artıq həddindən artıq isti və quraqlıq müşahidə olunub. Hindistanda muson yağmurlarının son üç ildə ilk dəfə olaraq orta səviyyənin altında olacağı barədə xəbərdarlıq edilib.
