Türkiyənin Gümüşhane vilayətində ailə münaqişəsi faciə ilə nəticələnib.
Manset.az-ın xarici mediaya istinadən məlumatına görə, 27 yaşlı Halis Pekinlə 26 yaşlı həyat yoldaşı Arzu Pekin arasında yaranan mübahisə zamanı kişi qadının başına odunla zərbələr endirib. Ağır xəsarət alan qadın hadisə yerində həyatını itirib.
Hadisədən sonra Halis Pekin yük avtomobili ilə ərazidən uzaqlaşıb.
Polis əməkdaşları onun avtomobilini Gümüşhane Trabzon magistralında tərk edilmiş vəziyyətdə aşkar ediblər.
Hazırda şübhəlinin saxlanılması istiqamətində axtarış tədbirləri davam etdirilir. Hadisə ilə bağlı araşdırma aparılır.
