ABŞ-nin vitse-prezidenti JD Vens ölkəsinin İsrailin mövqeyindən asılı olmayaraq İranla razılaşma əldə etməyə çalışacağını açıqlayıb.
Manset.az-ın xarici mediaya istinadən əldə etdiyi məlumata görə, Vens Amerikan mətbuatına verdiyi açıqlamada bildirib ki, İsrailin mövqeyi nə olursa olsun, ABŞ İranın nüvə proqramı ilə bağlı razılaşma axtarışını davam etdirəcək.
O vurğulayıb ki, İranın nüvə məsələsinə uzunmüddətli həll yolu tapmaq mümkündür: “İsrail bunu bəyənə bilər və ya bəyənməyə bilər, lakin əsasən bu, ABŞ-nin maraqlarına uyğundur. ABŞ vətəndaşlarına düzgün xidmət etmək üçün bunu etməliyik”.
