Konqo Demokratik Respublikasında yenidən ortaya çıxan Ebola epidemiyası səbəbindən ölənlərin sayı 101-ə çatıb.
Manset.az xarici mediaya istinadən xəbər verir ki, təsdiqlənmiş yoluxma hallarının sayı isə sürətlə artır. Səlahiyyətlilər bildirirlər ki, silahlı qrupların fəaliyyət göstərdiyi bölgələrdə səhiyyə işçilərinin fəaliyyətinin məhdudlaşması epidemiyaya qarşı mübarizəni çətinləşdirir.
Konqo hökumətinin son vəziyyət hesabatına görə, son 24 saatda 35 yeni təsdiqlənmiş yoluxma qeydə alınıb və onlardan 10-u ölüm ilə nəticələnib. Beləliklə, ölkədə ümumi təsdiqlənmiş yoluxma sayı 550-yə, ölənlərin sayı isə 101-ə çatıb.
