NATO-nun 36-cı Dövlət və Hökumət Başçıları Zirvəsi çərçivəsində Ankarada keçirilən ailə fotosessiyası zamanı ABŞ Prezidenti Donald Trampla İtaliyanın Baş naziri Corcia Meloni arasındakı soyuq münasibət diqqətdən yayınmayıb.
Manset.az-ın xarici mediaya istinadən əldə etdiyi məlumata görə, Trampın sosial şəbəkədə Meloni haqqında "Uzaqlaşdırılmalıdır" məzmunlu paylaşımından sonra iki lider arasında diplomatik gərginlik daha da artıb. Prezident Kompleksində keçirilən protokol tədbirləri zamanı Meloninin Trampa qarşı məsafəli davranışı və ailə fotosu çəkilərkən onun istiqamətinə baxmaması diqqət çəkib.
Sammitə gəliş zamanı da maraqlı anlar yaşanıb. Trampın ən sonda gələcəyi gözlənilsə də, Prezident Kompleksinə bütün liderlərdən sonra İtaliyanın Baş naziri Corcia Meloni gəlib.
Türkiyə Prezidenti Rəcəb Tayyib Ərdoğan və birinci xanım Əminə Ərdoğan tədbir məkanına daxil olarkən, Melonini girişdə Türkiyənin vitse-prezidenti Cevdet Yılmaz qarşılayıb.
