Burnu möhkəm sıxıb ağzı bağlı saxlamaqla asqırığı boğmağa çalışmaq gözlərdəki qan damarlarının zədələnməsinə və qulaq problemlərinə səbəb ola bilər.
Manset.az Modern.az-a istinadən xəbər verir ki, bu barədə oftalmoloqlar xəbərdarlıq edib.
Asqırığı saxlamağın nəticələri arasında baş ağrısı, qulaqlarda tıxanma hissi və təbil pərdəsinin zədələnməsi var. Bundan əlavə, yaranan təzyiq artımı burun-udlaqdakı maddələri orta qulağa itələyərək iltihab yaradır.
Həkimlərin bildirdiyinə görə, gözlə bağlı mümkün təzahürlərdən biri subkonyunktival qansızmadır. Bu zaman kiçik bir qan damarı partlayır və qan gözün səthini örtən şəffaf təbəqənin altında toplanır.
