Hündürlüyü 70 metr olan körpü saniyələr ərzində çöküb.
Manset.az xəbər verir ki, hadisə Almaniyanın Şimali Reyn-Vestfaliya əyalətində baş verib.
Rinsdorf körpüsü ölkədə indiyədək dağıdılan ən hündür körpü olub.
Körpünün ayaqlarına qoyulan partlayıcının aktivləşdiyi anlar kameralara əks olunub. Partlayış zamanı 300 metr civarında ətraf ərazi təhlükəsizlik məqsədilə mühasirəyə alınıb və əraziyə giriş qadağan edilib.
500 metr uzunluğundakı tikilinin yerində yeni körpü inşa edilir. Tikinti 2024-cü ildə başa çatacaq.
