Ərdoğanın BƏƏ səfərinin tarixi açıqlandı

Türkiyə Prezidenti Rəcəb Tayyib Ərdoğan fevralın 14-də BƏƏ-yə səfər edəcək.

 

Manset.az xəbər verir ki, bu barədə Türkiyə mediası məlumat yayıb.

Bildirilir ki, Ərdoğan səfər çərçivəsində Əbu Dabi və Dubayda bir sıra görüşlər keçirəcək.

Türkiyə liderinin "Dubay Expo"da “Türk Milli Günü”nün açılışını edəcəyi və iş adamları ilə görüşəcəyi planlaşdırılır.

Bundan əlavə, iki ölkə arasında 24 noyabr 2021-ci ildə başlayan investisiya prosesindən sonra yeni müqavilələrin imzalanması gözlənilir.