Ukrayna Prezidenti Volodimir Zelenski Türkiyədə Rusiya Prezidenti Vladimir Putinlə danışıqlar aparmağa razılaşıb.
Manset.az “RBK Ukrayna”ya istinadən xəbər verir ki, bu barədə Türkiyə Prezidentinin mətbuat katibi İbrahim Kalın deyib.
“Zelenski prezident Ərdoğanla söhbətində Putinlə Türkiyədə danışıqlara razılıq verib. Zelenskinin Rusiya Federasiyasının lideri ilə görüşü Ankara və ya İstanbulda baş tuta bilər”, - deyə Kalın bildirib.
Qeyd edək ki, Türkiyə hakimiyyəti Rusiyanın Ukraynaya müdaxiləsindən sonra sülhün bərqərar olmasına kömək etməyə çalışır. Martın 6-da Ərdoğan Putinlə danışacaq və onu Zelenski ilə danışıqlara razı salmağa çalışacaq.
