Türkiyənin məşhur “Kurtlar Vadisi” serialındakı Polat Alemdar obrazı ilə tanınan aktyor Necati Şaşmaz bəstəkarlığa başlayıb.
Manset.az Türkiyə mətbuatına istinadən xəbər verir ki, o, Etilerdə müğənni Muazzez Ersoyla görüntülənib.
Şaşmaz müxbirlərin “Son dönəmdə nələr edirsiniz” sualına “Musiqi ilə maraqlanıram. 1-2 mahnım var. Əgər Muazzez Ersoy bəyənsə, onun oxumasını istəyirəm. Bir mahnını da mən səsləndirəcəyəm” deyə cavab verib.
Aktyorluq karyerası barədə danışan sənətçi “Oxuduğum ssenarilər var” deməklə kifayətlənib.
