Bazar ertəsi Rusiyanın Qaraçay-Çərkəz Respublikası ərazisində İŞİD terror təşkilatının 11 üzvü saxlanılıb.
Manset.az Azpost.info-ya istinadən xəbər verir ki, bu barədə Federal Təhlükəsizlik Xidməti məlumat yayıb.
“Qaraçay-Çərkəz Respublikası ərazisində qadağan olunmuş İŞİD-in gizli dəstəsinin üzvləri olan 11 Rusiya vətəndaşı saxlanılıb. Onlar rayon sakinlərinin terror fəaliyyətinə cəlb edilməsində, habelə İnternetdə təbliğatda ittiham olunurlar”, – məlumatda deyilir.
Saxlanılan şəxslərin yaşayış yerlərindən 10 ədəd odlu silah, 1 ədəd PM tapançası, 1 ədəd ov tüfəngi, 3 ədəd qumbara, külli miqdarda sursat və onların qanunsuz fəaliyyətini ifşa edən materiallar, rabitə vasitələri aşkar edilərək götürülüb.
