Cənubi Koreyanın paytaxtı Seulda keçirilən qayayadırmanma üzrə Asiya çempionatının final mərhələsində iranlı qaya alpinisti Elnaz Rekabi hicabsız yarışıb.
Manset.az-ın xarici mediaya istinadən məlumatına görə, Rekabinin bu addımı 22 yaşlı Mahsa Amini əxlaq polisi tərəfindən öldürüləndən sonra başlayan nümayişlərə dəstək üçün atdığı təxmin edilir.
Fars xəbər saytları Rekabinin getməyə zorla məcbur edildiyini və İranda həbs oluna biləcəyini yazıb. Amma Tehran bu iddiaları rədd edib. İranın Cənubi Koreyadakı səfirliyi açıqlamasında bildirib ki, Rekabi komandanın digər üzvləri ilə birlikdə çərşənbə axşamı təyyarə ilə Seuldan ayrılıb.
