Çexiyada ukraynalı qaçqınları sevinclə qarşıladılar

Çexiyada sığınacaq tapmış ukraynalı qaçqınların sayı 450 min nəfərə çatıb.

 

Manset.az xəbər verir ki, bu rəqəmi Çexiya hökumətinin başçısı Peter Fiala səsləndirib. Qaçqınların 100 min nəfəri Çexiya əmək bazarında iş tapıb. Baş nazir bunu “əla nəticə” adlandırıb.

Eyni zamanda, siyasətçi ölkəyə Suriyadan qaçqın axınının qarşısını almağa yönəlmiş səyləri müsbət hal kimi qeyd edib və Şengen zonasının xarici sərhədlərində Aİ ölkələrinin sərhəd xidmətinin işini tərifləyib.