Rusiyanın müdafiə naziri Sergey Şoyqu hərbi rəhbərlərlə görüşdə qismən səfərbərlik qərarı ilə orduya cəlb edilən 87 min nəfərin Ukraynadakı xüsusi əməliyyat bölgəsinə göndərildiyini açıqlayıb.
Manset.az-ın xarici mediaya istinadən məlumatına görə, Rusiya prezidenti Vladimir Putinin imzaladığı Qismən Səfərbərlik Fərmanı ilə 300 min rus ehtiyat əsgəri orduya cəlb edilib.
Hərbçiliyə qəbul edilən hər ehtiyat əsgər üçün müavinət verildiyini bildirən Şoyqu, "Oktyabrın 29-da qismən səfərbərlik prosesi tamamlanarkən, şöbələrdəki bütün çatışmazlıqlar aradan qaldırıldı. Ən azı 195 min rubl (təxminən 5 374 AZN) səfərbərlik yolu ilə hərbi xidmətə çağırılanlara dəstək göstərilib. Qismən səfərbərlik qərarı ilə hərbi xidmətə çağırılan 300 min nəfərdən 87 min nəfəri əlavə təlim və hərbi koordinasiya tədbirlərindən sonra silahlı fəaliyyət zonalarına göndərilib. Xüsusi təyinatlı hərbi əməliyyatlar sahəsində döyüş təcrübəsi qazanmış 3000-ə yaxın təlimçi qismən səfərbərlikdə iştirak edənlərlə işləyib. Poliqonlarda formalaşan bölmələrin hərbi koordinasiya işləri yekunlaşmaq üzrədir. Əsas səylər sahə hazırlığına, rabitəyə, naviqasiyaya və kəşfiyyat alətlərindən istifadə bacarıqlarına yönəldilib” - deyib.
Ukraynadakı hərbi əməliyyatlar zamanı xarici muzdluların da zərərsizləşdirildiyini bildirən Şoyqu, “Son 2 həftə ərzində həyata keçirilən xüsusi hərbi əməliyyat zamanı 190-dan çox əcnəbi muzdlu, 74 tank, 235 müxtəlif zirehli texnika və 2 HİMARS buraxılış qurğusu və 268 ağır silahlar məhv edilib. Biz yüksək dəqiqlikli silahlarla atışlarla hərbi infrastruktur obyektlərini, eləcə də Ukraynanın hərbi potensialının azalmasına təsir edən obyektləri effektiv şəkildə məhv etməyə davam edirik. Bundan əlavə, Ukrayna vətəndaşlarının həyatını itirməsinin qarşısının alınması üçün kompleks tədbirlər həyata keçirilir”, - bildirib.
