Rusiyanın məşhur informasiya agentliyi fəaliyyətini dayandırdı

Rusiyanın "Regnum” informasiya agentliyi fəaliyyətini dayandırır.

 

Manset.az xarici mediaya istinadən xəbər verir ki, bunu agentliyin baş redaktoru Modest Kolerov deyib.

O bildirib ki, “Regnum”u idarə edən agentliyin rəhbərliyi dəyişib. Buna görə də vəziyyət aydınlaşana qədər agentlik fəaliyyət göstərməyəcək.

Qeyd edək ki, agentlik 22 iyul 2002-ci ildə yaradılıb. Onun yayım dairəsi Rusiyanın bütün regionlarını, Avropa, Mərkəzi Asiya və Zaqafqaziyanın qonşu dövlətlərini əhatə edir.