Misirin ikinci böyük şəhəri olan İsgəndəriyyənin və limanın əhəmiyyətli bir hissəsinin qlobal istiləşmə səbəbiylə önümüzdəki illərdə su altında qala biləcəyini proqnozlaşdırılır.
Manset.az-ın xarici mediaya istinadən məlumatına görə, Misir mediasında 2050-ci ilə qədər İsgəndəriyyənin üçdə birinin su altında qalacağı ilə bağlı xəbərdarlıq edilib.
Xəbərdarlığa əsasən, 6 milyon əhalisi olan şəhərdən 1 milyon 500 min insanın köç etməli ola biləcəyi, şəhərdəki qədim əsərlər və tarixi sərvətlərin də böyük təhlükə ilə üzləşdiyi bildirilib.
İsgəndəriyyənin dəniz sahilinin hər il 3 millimetr yüksəldiyi və qarşıdakı 30 ildə Aralıq dənizinin sularının bir metr yüksələ biləcəyi qeyd edilib.
