Twitter-in yeni sahibi milyarder Elon Musk şirkətin hər gün 4 milyon dollardan çox itirdiyini və şirkətin işçilərinin təxminən yarısının “işdən çıxmaqdan başqa çarəsi olmadığını” söylədi.
Manset.az xarici mediaya istinadən xəbər verir ki, Twitter işçilərinin təxminən 50 faizi, 7500 nəfər işdən çıxarılıb.
ABŞ prezidenti Co Bayden də cümə günü Twitter-də rəhbərlik dəyişikliyindən narahat olduğunu bildirib:
"Elon Musk çıxır və bütün dünyaya yalanlar saçan bir paltar alır... İndi nəyin təhlükədə olduğunu uşaqlara necə göstərəcəyik?"
"Təəssüf ki, şirkətin uğurla fəaliyyət göstərməsini təmin etmək üçün böyük ixtisarlar lazımdır" deyə Elon Mask bildirib.
Bir müddət sonra işçilər Twitter-də iş kompüterlərinə və ya yazışma platforması olan Slack-ə daxil ola bilmədiklərini açıqladılar. Dünyadakı ofislərdən marketinqdən mühəndis bölmələrinə qədər bir çox işçinin ixtisar edildiyi anlaşılır.
Digər tərəfdən bir çox böyük şirkət Twitter-də bundan sonra reklam etməyəcəklərini açıqlayıb. Volkswagen, General Motors və PFizer bunlardan bəziləridir...
Hazırda Twitter-in demək olar ki, bütün gəlirləri bu reklamlardan əldə edilir.
Mask bir müddətdir ki, xərcləri azaltmaq və gəlirləri müxtəlif yollarla artırmaq üçün nə edə biləcəyini araşdırır.
Tədqiqatları nəticəsində mavi işarəli təsdiqlənmiş hesablar üçün ayda 8 dollar ödəmək ideyası ortaya çıxdı.
Digər tərəfdən, cümə günü qəfil işdən qovulan Twitter işçiləri, 60 günlük bildiriş müddətini ödəmədən işdən çıxarılmalarının Kaliforniya və federal qanunlara zidd olduğunu əsas gətirərək məhkəməyə müraciət edib.
