Almaniyada 8 yaşlı qız 7 ildir ki, anası tərəfindən evində həbs edilib.
Manset.az xarici mediaya istinadən xəbər verir ki, Almaniyanın Şimali Reyn-Vestfaliya əyalətinin Attendorn qəsəbəsində 8 yaşlı qızın anası tərəfindən 7 ilə yaxındır ki, evində həbs edildiyi ortaya çıxıb.
Qızın nənəsinin evində qaldığı, heç vaxt çölə çıxarılmadığı, buradan başqa həyat tanımadığı qeydə alınıb. Balaca qızcığaz 23 sentyabr tarixində xəbər əsasında polis və Gənclər İdarəsi tərəfindən xilas edilib. Prokurorluq bildirib ki, polis uşağı götürməyə gedəndə uşaq pilləkənləri çıxmaqda çətinlik çəkib. İlkin müayinədən keçmək üçün xəstəxanaya aparılan uşağın səhhətinin yaxşı olduğu, cinsi istismar və zorakılığa məruz qalmadığı müəyyən edilib.
Prokuror Patrick Baron bildirib ki, sonuncu dəfə uşaq 1,5 yaşında olarkən çölə çıxarılanda ondan kənar həyat haqqında heç nə bilmir. Uşaq xəstəxanadakı həkimlərə həyatında maşın, meşə, ot görmədiyini, evdən çıxandan sonra ilk dəfə gördüyünü deyib. Ana ilk sorğu-sualında uşağını niyə evdə həbs etdiyini izah etməyib. Eynilə, nənə və babalar da ifadə vermədilər. Azadlığa buraxılan 3 yetkin şəxs barəsində şəxsin azadlığını məhdudlaşdırmaq ittihamı ilə istintaq aparılır. Qızın atasının İtaliyada yaşadığı bildirilərkən, hadisə ailənin qohumunun polisə müraciət etməsi ilə üzə çıxıb. Kiçik qızın qəyyumluğu anasından alınaraq Gənclər İdarəsi tərəfindən himayədar ailəyə verilib.
