İngiltərə Müdafiə Nazirliyinin açıqladığı kəşfiyyat hesabatında 2023-cü ilin sentyabrından etibarən Rusiyadakı məktəblərdə hərbi təlimlərin veriləcəyi bildirilib.
Manset.az-ın xarici mediaya istinadən məlumatına görə, hesabatda qeyd olunub ki, sözügedən müraciət 1993-cü ildə Sovet İttifaqı dövründə başa çatan proqramın təkrarıdır:
“9 noyabr 2022-ci ildə Rusiyanın təhsil naziri Sergey Kravstov 2023-cü ilin sentyabrından Rusiya məktəblərində hərbi təlimlərin bərpa olunacağını bildirib. Bu, sovet dövründə 1993-cü ildə başa çatan və tələbələrin icbari hərbi təhsil aldığı proqramla səsləşir. Bu təlim kimyəvi və ya nüvə hücumu üçün gözlənilməz tədbirləri, ilk yardımı və Kalaşnikov tüfəngindən istifadə və atəş açma təlimlərini əhatə edirdi”.
