ABŞ-ın Şimali Karolina ştatında şaxtalı soyuqda 9 yaşı olan bir uşaq ailəsi tərəfindən evin bağçasındakı it yuvasına həbs edilib.
Manset.az-ın xarici mediaya istinadən məlumatına görə, qonşunun xəbərdarlığı ilə yuvada nazik adyal və oyuncaqları ilə tapılan uşaq atası, ögey anası, bibisi və 4 qardaşının qaldığı 1400 kvadratmetrlik evdə ona yer qalmadığı üçün qovulduğunu və aylarla burada qaldığını bildirib.
Uşağı həbs etməkdə günahlandırılan 32 yaşlı ata Conatan Star və 40 yaşlı ögey anası Sara Lynette Starr həbs edilib, adı açıqlanmayan uşaq isə qardaşları ilə birlikdə qayğı mərkəzinə aparılıb.
Evdəki axtarışlar zamanı kiçik oğlanın illərdir çəkdiyi faciəni əks etdirən fotoşəkillər tapılıb. Uşağın cəmi bir yaşı olarkən qəfəsə həbs edildiyini göstərən fotolar mətbuata sızıb.
