Xarici vətəndaşlığı və ya xaricdə yaşamaq icazəsi olan Rusiya vətəndaşları ölkənin Silahlı Qüvvələrinə çağırıla biləcəklər.
Manset.az xəbər verir ki, bu, Rusiya Prezidenti Vladimir Putinin bazar ertəsi dərc olunan “Hərbi xidmət qaydası haqqında Əsasnamə”yə dəyişiklik edən fərmanından irəli gəlir.
Əvvəllər yalnız Rusiya Federasiyasının vətəndaşı olan şəxslər hərbi xidmət keçə bilərdilər. Əcnəbilər isə yalnız əsgər, matros, çavuş və gizirlərin sıralarında müqavilə əsasında xidmət etmək imkanına malik idilər.
Sənədin yeni redaksiyasına əsasən, artıq çağırış üzrə hərbi xidmət Rusiya Federasiyası vətəndaşı olan, o cümlədən xarici dövlətin vətəndaşlığına malik olan əsgərlər, matroslar, çavuşlar və gizirlər tərəfindən həyata keçirilir.
