Böyük Britaniyanın baş naziri Rişi Sunak və Yaponiyanın baş naziri Fumio Kişida iki ölkəyə bir-birinin ərazisinə qoşun yerləşdirməyə imkan verən müdafiə sazişi imzalayıb.
Manset.az-ın xarici mediaya istinadən məlumatına görə, Kişida və Sunak İtaliya ilə yeni döyüş təyyarəsi proqramı ilə bağlı əməkdaşlığa razılıq verdikdən bir ay sonra, keçən ilin may ayında prinsipcə razılaşdıqları qarşılıqlı müdafiəyə giriş sazişini imzaladılar.
Kişidanın səfəri və imzalanmış saziş Hind-Sakit Okean regionunda ticarət və təhlükəsizlik əlaqələrini artırmağa çalışan Britaniyanın xarici siyasət strategiyasının, onun bu regiona doğru meylinin bir hissəsini təşkil edir.
İki ölkənin Çini regionun problemi kimi müəyyənləşdirməsi də İngiltərə və Yaponiyanın daha sıx əlaqələr qurmaq istəyini gücləndirib.
Manşet.az
