ABŞ Dövlət Departamentinin sözçüsü Ned Prays bildirib ki, Rusiya Ukrayna müharibəsində mütəmadi olaraq komandirləri dəyişdirərək fərqli nəticələr əldə etməyə çalışır.
Manset.az-ın xarici mediaya istinadən məlumatına görə, Prays, “Bizim nöqteyi-nəzərimizdən bu, mənə dəliliyin bir tərifini xatırladır: fərqli nəticə əldə etmək üçün eyni şeyi təkrar-təkrar etmək. Rusiya hər dəfə daha yüksək rütbəli, daha təcrübəli, bəlkə də daha təsirli komandirlər təyin etməklə eyni nəticəyə gəlir. O, Ukraynanın özünümüdafiə divarını, öz ölkəsini müdafiə etməyə həsr olunmuş ukraynalı müdafiəçiləri görür. Rusiya hər dəfə yeni komandir təyin etməklə müharibənin dinamikasını dəyişməyə ümid edə bilər, amma orada əsas dinamika dəyişməyəcək. Torpaqları uğrunda döyüşən ukraynalılardır” - deyib.
Manşet.az
