Yaponiya hökuməti aprelin 1-dən etibarən COVID-19-un hüquqi statusunu dəyişdirmək və onu mövsümi qripə uyğun kateqoriyaya keçirmək niyyətindədir.
Manset.az oxu.az-a istinadən xəbər verir ki, qərar yanvarın 20-də Baş nazir Fumio Kişida və hökumət üzvlərinin iştirakı ilə keçiriləcək iclasda elan olunacaq.
Hazırda COVID-19 Yaponiyada yoluxucu xəstəliklər statusundadır və bu, koronavirusa yoluxanların dövlət hesabına müalicəsini tələb edir.
Bu status həm də COVID-19-a yoluxmaqda şübhəli bilinən insanların karantinə alınması kimi məhdudiyyətlərin tətbiqinə imkan verir.
