Kanadanın iki əyalətində güclü buz fırtınası baş verib.
Manset.az-ın xarici mediaya istinadən məlumatına görə, Kanadanın ən sıx məskunlaşdığı iki əyaləti - Kvebek və Ontarioda baş verən buz fırtınası nəticəsində iki nəfər ölüb, bir milyondan çox insan işıqsız qalıb.
Fırtına şaxtalı yağış və güclü külək gətirərək ağacları yıxıb və elektrik xətlərini ağırlaşdırıb.
Kvebekdə bir milyona yaxın, Ontarioda isə təxminən 110 min insan işıqsız qalıb.
Bu iki əyalət Kanadanın təxminən 39 milyonluq əhalisinin 50 faizindən çoxunu təşkil edir.
Kvebek və Ontarioda elektrik təminatçıları elektrik enerjisini bərpa etmək üçün çalışırlar, lakin təmirin bir neçə gün çəkəcəyi gözlənilir.
Manşet.az
