Google-un ödəniş xidməti olan Pay-da maraqlı xəta aşkarlanıb.
Manset.az-ın xarici mediaya istinadən məlumatına görə, ABŞ-dakı Google Pay istifadəçiləri hesablarına gözlənilməz ödənişlər aldıqlarını bildiriblər. Bəzi istifadəçilərə bir neçə dollardan az, bəzilərinə isə 1000 dollara qədər ödəniş edilib.
Məlum olub ki, ödənişlər Google tərəfindən sınaqdan keçirilmiş funksiyanın bir hissəsi kimi göndərilib. Bildirilib ki, bu səhv nəticəsində bəzi hesablara yüzlərlə dollar daxil olub.
Google istifadəçilərinə səhv ödənişlərdən sonra problemi izah edən e-poçt göndərib. Şirkət həmçinin bildirib ki, e-poçt göndərməzdən əvvəl bəzi istifadəçilərinin ödənişlərini ləğv etməyi bacarıb. Bildirilib ki, ödəniş hesabına göndərilən pulları nağd pula çevirən istifadəçilərdən pul geri alınmayacaq.
Manşet.az
