Məktəblərə tez-tez hücumlarla gündəmdə olan ABŞ-da Miçiqan ştatının Flint Dövlət Məktəbləri bölgəsində şagirdlərin bel çantasından istifadəsinə qadağa qoyulub.
Manset.az-ın xarici mediaya istinadən məlumatına görə, aprelin 27-də valideynlərə göndərilən məktubda səlahiyyətlilər bel çantası götürən şagirdlərin əşyalarının girişdə alınacağı bildirilib. Valideynlərin bel çantalarını almaq üçün çağırılacağı açıqlanıb.
Flint Dövlət Məktəblərinin direktoru, şəxsi əşyalar üçün kiçik pul kisələri, paltarlar üçün plastik torbalar və nahar qutularına icazə veriləcəyini bildirib. Lakin bu çantalarda da axtarış aparılacağı vurğulanıb.
Manşet.az
