Türkiyədə 2023-cü ilin fevral ayından bəri 33 mindən çox zəlzələ olub.
Manset.az xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.
Bildirilib ki, fevralın 6-dan may ayının 6-dək olan müddətdə Türkiyədə 33 077 zəlzələ qeydə alınıb.
Xatırladaq ki, fevralın 6-da Türkiyənin Kahramanmaraş vilayətində 7,7 və 7,6 bal gücündə zəlzələlər baş verib. Yeraltı təkanlar ölkənin 11 əyalətində dağıntılara səbəb olub. Təbii fəlakət nəticəsində 50 mindən çox insan həyatını itirib.
