İsrailin Qəzza zolağında başlatdığı antiterror əməliyyatları nəticəsində HƏMAS-ın iqtisadi məsələlər üzrə məsul şəxsi Coad Əbu Şmalah öldürülüb.
Manset.az xəbər verir ki, bu barədə İsrail Müdafiə Nazirliyi məlumat yayıb.
Bildirilib ki, o, HƏMAS-da müxtəlif vəzifələri icra edib və İsrail dövlətini hədəf alan bir sıra əməliyyatlara rəhbərlik edib.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını bildirib. HƏMAS-ın hücumu nəticəsində 900-dən çox israilli həlak olub, daha 2 806 nəfər yaralanıb.
