Türkiyə prezidenti Rəcəb Tayyib Ərdoğan Qazaxıstana səfər edəcək.
Manset.az Qazaxıstan mətbuatına istinadən xəbər verir ki, bunu ölkənin Respublika Günü münasibətilə Qazaxıstan prezidenti Kasım-Jomart Tokayevə göndərdiyi teleqramda yazıb.
Ərdoğan Türk Dövlətləri Təşkilatının Qazaxıstanın paytaxtında keçiriləcək 10-cu sammitinə qatılacağını təsdiqləyib. O, noyabrın 3-də Astanada olacaq.
O, qazaxıstanlı həmkarını əlamətdar günlə əlaqədar olaraq təbrik edib.
Qeyd edək ki, 25 oktyabr 1990-cı ildə Qazaxıstan SSRİ tərkibində suverenliyini elan edib. Bu gün ölkədə Respublika Günü kimi qeyd olunur. Müstəqillik Günü isə Qazaxıstanın SSRİ tərkibindən çıxdığı 16 dekabr 1991-ci il tarixinin ildönümü günlərində keçirilir.
