Ermənistanın xarici işlər naziri Ararat Mirzoyan Brüsseldə genişlənmə və qonşuluq siyasəti üzrə Avropa komissarı Oliver Varhelyi ilə görüşüb.
Manset.az Ermənistan mətbuatına istinadən xəbər verir ki, Ermənistan-Avropa İttifaqı tərəfdaşlığının gündəliyində olan məsələlər müzakirə edilib.
Həmsöhbətlər qarşılıqlı maraq doğuran sahələrdə mövcud dialoqun və əməkdaşlığın genişləndirilməsi imkanlarına dair fikir mübadiləsi aparıblar. Bu kontekstdə noyabrın 15-də Brüsseldə keçirilən yüksək səviyyəli Ermənistan-Avropa İttifaqı siyasi və təhlükəsizlik dialoqunun ikinci görüşünün əhəmiyyəti qeyd edilib.
Ermənistanın xarici işlər naziri “Sülhün kəsişməsi” layihəsini də təqdim edib. Ermənistanla Azərbaycan arasında münasibətlərin normallaşdırılması istiqamətində beynəlxalq səylərə toxunulub.
