Hizbullah Hərəkatı Livan sərhədindən İsrail sərhədindəki 4 hərbi nöqtəyə “Burkan raketi” və müvafiq silahlarla hücum edib.
Manset.az xarici KİV-ə istinadən xəbər verir ki, bu barədə, Hizbullah açıqlama verib.
Açıqlamada İsrailin Bəhri, Şumira və Ramyadakı hərbi məntəqələrinin müvafiq silahlarla hədəfə alındığı bildirilib.
Əl Malikiyye hərbi məntəqəsinin yarım ton ağırlığında “Burkan raketi” ilə vurulduğu da bildirilib.
Oktyabrın 8-dən İsrail ordusu ilə Hizbullah arasında gedən qarşıdurmalarda 101 Hizbullah üzvü və 6 İsrail əsgərinin öldüyü açıqlanıb.
Bundan əlavə, toqquşmalar nəticəsində Livanda 24, İsraildə isə 5 mülki vətəndaş həyatını itirib.
Jalə
Manşet.az
