Şəmkir rayonunun Kür qəsəbəsində yanğın olub.
FHN-dən Manset.az-a verilən xəbərə görə, ümumi sahəsi 55 m² olan köməkçi tikilinin yanar konstruksiyaları 25 m² sahədə, bitişik sahəsi 50 m² olan talvarın taxta atmaları və ümumi sahəsi 280 m² (hər mərtəbəsi 140 m²) olan ikimərtəbəli 8 otaqlı evin 3 ədəd taxtadan ibarət pəncərə çərçivəsi yanıb. Yüksək temperaturdan evin 2 ədəd qapısı və 1 ədəd pəncərə çərçivəsi qarsalanıb. Evin, köməkçi tikilinin qalan hissəsi və yaxınlıqdakı avtomobil yanğından mühafizə olunub. Yanğın yanğından mühafizə bölmələri tərəfindən söndürülüb.
