Almaniyanın "Bayer Leverkusen" klubu, İspaniyanın "Sevilya" komandasından fransalı müdafiəçi Loik Badeni heyətinə qatıb.
Manset.az xarici mediaya istinadən xəbər verir ki, 25 yaşlı futbolçu ilə 30 iyun 2030-cu ilə qədər müqavilə imzalanıb.
İspaniya mətbuatında yer alan xəbərlərə görə, transferin dəyəri 29 milyon avro civarındadır. Loik Bade, əvvəlki illərdə Fransanın "Havr", "Lens" və "Renn" klublarında çıxış edib, 2023-cü ildən isə "Sevilya"nın formasını geyinib. İspaniya klubunda keçirdiyi 93 oyunda 3 qol vuran Bade, mövsümün sonunda "Bayer Leverkusen"ə transfer olub.
Bayer Leverkusen, həmçinin hollandiyalı məşqçi Erik ten Haqı baş məşqçi təyin edərək transfer dövründə ciddi addımlar atıb.
