FİFA prezidenti Canni İnfantino ABŞ prezidenti Donald Trampa 2026-cı il futbol üzrə dünya çempionatının final oyununun ilk biletini təqdim edib.
Manset.az Publika.az-a istinadən xəbər verir ki, isveçrəli funksioner Ağ Evdə böyük ölçülü bileti təqdim edərkən “Əlbəttə, birinci sıra, birinci yer. Biletin nömrəsi 45/47-dir (Tramp ABŞ-ın 45-ci və 47-ci prezidenti olduğuna görə)” deyib.
2026-cı il dünya çempionatı 11 iyun – 19 iyul tarixlərində ABŞ, Kanada və Meksikadakı stadionlarda keçiriləcək. Turnirin final görüşü Nyu-Cersi ştatının İst-Razerford şəhərindəki “MetLife Stadium”da baş tutacaq.
