Türkiyənin “Qalatasaray” klubunun gənc futbolçusu Efe Akman karyerasını İspaniyada davam etdirəcək.
Manset.az xarici mediaya istinadən xəbər verir ki, La Liqa 2 təmsilçisi “FC Andorra” 19 yaşlı yarımmüdafiəçini transfer etdiyini rəsmən açıqlayıb. Klub Efe Akmanla 4 illik müqavilə imzalayıb.
Gənc futbolçu “Qalatasaray” azarkeşlərinin böyük ümidlər bəslədiyi oyunçulardan biri sayılırdı. O, İstanbul təmsilçisinin akademiyasında yetişmiş və 2023-cü ilin yayında əsas komandaya yüksəlmişdi.
Akmanın adı daha öncə “Xetafe” (İspaniya), “Utrext” (Niderland), “Vites” (Niderland), “Anderlext” (Belçika) və “Olimpiakos” (Yunanıstan) kimi klublarla da hallanırdı.
