"Mançester Siti"nin yarımmüdafiəçisi Bernardu Silva Premyer Liqa tarixində ən çox oyun keçirən portuqaliyalı futbolçu olub.
Manset.az Qol.az-a istinadən xəbər verir ki, "Çelsi" ilə matçda (3:0) meydana çıxan futbolçu Premyer Liqada 297-ci oyununu keçirərək Luiş Boa Mortenin rekordunu geridə qoyub.
Portuqaliyalı oyunçuların Premyer Liqada keçirdiyi oyun sayına görə sıralaması isə belədir:
- Bernardu Silva: 297 oyun ("Mançester Siti")
- Luiş Boa Morte: 296 oyun ("Arsenal", "Sauthempton", "Fulhem", "Vest Hem")
- Kriştiano Ronaldo: 236 oyun ("Mançester Yunayted")
Qeyd edək ki, Bernardu Silva 2017-ci ildən "Mançester Siti"nin formasını geyinir. Bu müddət ərzində o, "şəhərlilər"in heyətində bütün turnirlərdə ümumilikdə 451 matça çıxıb, 76 qol və 77 məhsuldar ötürmə ilə yadda qalıb.
