Türkiyə Super Liqasında XXXIII tura yekun vurulub.
Manset.az xəbər verir ki, turun bütün matçları eyni vaxtda start götürüb.
Keçirilən oyunlardan sonra həm çempionun, həm də digər mükafatçıların adına aydınlıq gəlib.
"Qalatasaray" "Antalyaspor"la qarşılaşıb. Görüş "sarı-qırmızılılar"ın 4:2 hesablı qələbəsi ilə nəticələnib. Komanda bununla da, tarixində 26-cı dəfə Türkiyə çempionu olub.
Xatırladaq ki, bu komandalar arasında mövsümün ilk yarısında Antalyada keçirilən görüş də “Qalatasaray”ın 4-1 hesablı üstünlüyü ilə başa çatmışdı.
