"Samsunspor" mövsümöncəsi hazırlıqların ilk mərhələsinin sabah başa çatacağını və ikinci təlim-məşq toplanışının 20 iyul – 1 avqust tarixlərində Niderlandda keçiriləcəyini açıqladı.
Manset.az türk mediasına istinadən xəbər verir ki, "Süper Lig" təmsilçisi "Samsunspor"un yeni mövsüm hazırlıqları çərçivəsində Niderlandda keçiriləcək təlim-məşq toplanışının iyulun 20-də başlayacağı açıqlanıb.
Qırmızı-ağ klubun yaydığı yazılı açıqlamada bildirilib ki, hazırda "Nuri Asan" bazasında davam edən hazırlıqların ilk mərhələsi sabah keçiriləcək məşqlə yekunlaşacaq.
Açıqlamada komandanın iki günlük fasilədən sonra hazırlıqların ikinci mərhələsi üçün Niderlanda yollanacağı qeyd olunub və aşağıdakı təfərrüatlar əlavə edilib:
"Qırmızı-ağ komandamız mövsümöncəsi təlim-məşq toplanışının ikinci mərhələsini iyulun 20-dən avqustun 1-dək Niderlandda keçirəcək. Toplanış müddətində dörd yoldaşlıq görüşü baş tutacaq. İlk yoldaşlıq matçı iyulun 22-də Fransa təmsilçisi "USL Dunkerque"ə, ikincisi iyulun 25-də Belçika təmsilçisi "La Louvière FC"yə, üçüncüsü isə iyulun 29-da Yunanıstan təmsilçisi AEK-ə qarşı olacaq. Sonuncu yoldaşlıq görüşü isə avqustun 1-də Belçika təmsilçisi "KVC Westerlo"ya qarşı keçiriləcək."
