İtaliyanın idman naziri Andrea Abodi bir neçə italiyalı futbolçunun qeyri-qanuni idman mərc oyunları etməkdə ittiham olunması ilə bağlı vəziyyəti şərh edib.
Manset.az İtaliya mətbuatına istinadən xəbər verir ki, o deyib: “Bu oyunçuların etdikləri dövlətə xəyanətdir. Onlar digər gənclərin hisslərinə, etibarlarına xəyanət etdilər. Futbol qurumlarının buna reaksiya verməsi və oyunçuların qanunsuz mərc oyunlarına qarşı layihələrə başlaması vacibdir”.
Xatırladaq ki, dünən “Yuventus”un futbolçusu Nikolo Faqioli qumar oynadığına görə 7 aylıq diskvalifikasiyaya məruz qaldığı məlum olub . Futbolçunun agenti bildirib ki,Faqioli qumar asılılığından əziyyət çəkir və tezliklə lazımi müalicədən keçəcək.
