2024-cü ildə Almaniyada keçiriləcək Avropa çempionatına vəsiqə uğrunda pley-off mərhələsinin püşkü atılıb.
Manset.az “Report”a istinadən xəbər verir ki, A, B və C Yolunda üz-üzə gələcək komandalar bəlli olub.
A Yolunda Polşa - Estoniya, Uels - Finlandiya, B yolunda İsrail - İslandiya, Bosniya və Herseqovina - Ukrayna, C Yolunda Gürcüstan - Lüksemburq və Yunanıstan - Qazaxıstan görüşləri baş tutacaq.
Qeyd edək ki, qalib gələn komandalar finala vəsiqə qazanacaqlar. Yekunda Almaniyaya gedəcək son üç yerin sahibi bəlli olacaq.
